Eigentlich kann ma unser Bürjermeischder jo fier nix gebrauche. Das sidd ma jo immer scheen beim Rathaussturm… Awwa jetzt hodd er mo ausnahmsweise e guddie Idee: Weil das bleede Virus aach uns Faasebòze ins Home Office schickt – netmols e Maskeball is erlaubt! – unn uns allengaren so uff de Geischd geht, gebbts ab sofort ‚Geischdertickets‘. Unn zwar für e imaginärie Kappesitzung von alle drei Karnevalsvereine in der Gemään! Dodruff werre ma hier vier Woche lang hinweise – immer mit em annare Foto aus bessere Zeide!
Wer uns unnerstütze will, spendet ennfach de gewünschte Betraach uff folgendes Konto der Gemeinde:
IBAN DE52 5905 0101 0010 8200 17
Verwendungszweck: Karneval
oder gebbt ne in bar an der Rathaus-Info ab. Die Summe wird dann gerecht uff die drei Vereine verdählt. Als Belohnung gebbts e Video oder e schönes Foto von da Rathauserstürmung 2021!
Zur Orientierung gebbts aach e anstännichie Preisliste:
Eintritt: 5 Euro
Zwei Tritte: 10 Euro
Imaginärer Kaschde Bier: 15 Euro
Imaginärie Roschdwoarschd: 2 Euro
Trinkgeld: Unbegrenzt
Bleiwen gesund unn immer gudd impformiert!
Die Faasebòze aus der Gemeinde Quierschied
